Vårar seinare : dikt

Omtale

«Vårar seinare» er ein song om ei bygd. Ei bygd kor dei rullar ned rutene om våren og køyrer fort på nakne og svingete vegar, kor bilar støyter saman og fører døden med seg. Det er ei som manglar i blomsterbutikken, han som køyrer truck på lageret finst ikkje meir og frå eit klasserom har enda ein blitt borte. Samstundes er våren ei oppvakning, med lys som veltar inn, ei elv som fløymer over og grøne spirer over alt. Dette er Anna Kleiva si andre diktsamling.