Samfunnsbyggjarane : om entreprenøren Gunnar Røsseland og familieverksemda

Omtale

I 1952 vart Røsseland Bulldoserdrift og Entreprenørforretning etablert. Verksemda har sett djupe spor etter seg, både i Kvinnherad og andre lokalsamfunn. Bak firmaet stod Gunnar Røsseland (1912-1981). I denne boka får vi lesa om han som bygde Husnes og dei som dreiv livsverket vidare gjennom oppturar og nedturar, fram til 2016. Vi får ei biografisk oversikt over livet til Gunnaren, etableringa av verksemda, omsuten for samfunnet som førte han inn i politikken og glimt frå industrireisinga på Husnes, Svalbard og andre stader. Familien, som alle har vore involvert i drifta, ser attende på det dei har vore med på. Vi får òg høyra frå tidlegare tilsette og andre nærståande. Dette dannar eit viktig dokument i lokalhistoria og syner ein eineståande og driftig mann, ei solid gründerverksemd i eit samfunn i vekst og minnene til dei som har vore med på reisa.