De'kje nøye om du lyge litt, berre praten gaor

Omtale

Når ein sogning grip ordet, vert framstillinga lett prega av at "De'kje nøye om du lyge litt, berre praten gaor", noko som også er tittel på lydboka. Forfattaren og opplesaren vil på det sterkaste rå til at lyttaren tek innhaldet med ei klype salt. For ti år sidan gav Odd Njøs ut den første boka med stubbar og replikkar frå Sogn. Til saman har det vorte tre slike bøker i samarbeid med illustratøren Janne Nes. No har han redigert og lese inn dette stoffet med publikum i salen. Dette har blitt til ein dobbel-cd som forlaget gir ut i samband med 15-års-markeringa si. I cd-en ligg også ei lita bok som fortel om innsamlingsprosessen hjå det slagferdige folkeferdet i Sogn.