Neppe : da Nisse blei borte

Omtale

Ei vakker lita biletbok for dei aller minste, i glade, lyse fargar. Neppe er ein liten bamse, som leitar etter yndlingsleika si, menneskedokka Nisse. I klassisk peikebokstil går vi frå side til side og leitar, og først er det dei andre leikekameratane til Neppe som dukkar opp, ein etter ein, alle med namn som startar på N: Nøtte og Nille og Nusse. Alle tilbyr seg å bli med på leitinga etter Nisse. Korleis det endar, skal vi ikkje røpe her! Men godt går det. Annlaug Auestads bilete har sjarm og karakter, og byr på fine detaljar som den vesle lesaren av bileta veit å verdsetje.