Handlinger
Beskrivelse
Omtale
«... me enser dei ikkje før dei ryk». Trådane i eit liv, synlege og usynlege, held livet saman. Denne historia spinn rundt Marie, og trådane strekkjer seg utover både tid, stad og folket ho har rundt seg. Gjennom motgang og tap kan livet eit menneske er veva inn i drage det attende til optimisme og framtidstru. Noko ein ikkje hadde tenkt på kan med eitt vere det som lyftar ein opp og fram. Slik faldar livet til Marie seg ut, etter kvart som trådane i veven finn sin plass; eit liv inst i ein vestlandsfjord, omkrinsa av bratte fjell og vill natur, der kvinnene på garden ho kom frå måtte halde trådane saman. Romanen om Marie er bygd på verkelege hendingar. Ho levde mellom 1912 og 1988 i Hjørundfjorden, i ei tid med store omveltingar for både landbruk, kommunikasjon, helsevesen og mentaliteten mellom folket i bygda. Midt opp i alt dette måtte ho møte dei harde realitetane kvardagen baud henne.