Guds barn : roman

Omtale

Denne historia startar i Betlehem ved Jesu fødsel, då kong Herodes gav ordre om at alle små gutebarn skulle drepast. «Guds barn» følgjer tida fram til hans død. Her møter vi profetar og disiplar, spedalske, røverbandar og romerske soldatar, som alle blir dratt mellom gode og vonde krefter. Offiseren Cato tvilar på om det er rett å følgje kong Herodes' ordre. Anna er på leit etter Kaleb, men finn Jesus` følgje. Medan røvaren Nadab prøver å verne om det vesle lyset han ber på. Alle historiene blir til ein stor vev der det skremmande og det fantastiske, det vesle og det store går hand i hand.