Time historielag årbok 2025

Omtale

Årbok for Time historielag 2025 er den 13. i rekkja. Boka er på 173 sider, rikt illustrert og inneheld 19 store og små artiklar av 18 ulike forfattarar.Blant emna er mekaniseringa av jordbruket på Jæren, ungdomslaga i Time i vekst og fall, kvinner som søkte kunnskap i studiesirklar i tida før den store utdanningseksplosjonen, og lokale drukningsulukker og beredskapsarbeid. Det er eigne artiklar om mangeårig stortingsrepresentant I.K. Hognestad og Sem Sæland, som var rektor både på Norges tekniske høgskole og Universitetet i Oslo. Av andre tema kan nemnast lokale haugianarar, utvandring til Amerika og ulvejakt i gamle dagar.Redaktør: Tom Hetland.