Lagunen og stormen : Ulstein, bygd i Europa 1940-45

Omtale

Dette er ei annleis bok om krigen, den siste store europeiske, 1940-45. Hovudaktøren er bygda Ulstein og hennar motstandskamp, der Ragnar Ulstein sjølv var med, i kompani Linge. Kva var det som fekk bygda til å reise seg, som fekk unge og eldre til å ofre liv og framtid? Det var åndskreftene i bygda, seier forfatteren, sentrert kring to sentra: bedehuset og ungdomslaget/fråhaldslaget. Han fortel om eit sterkt og levande lokalt kulturliv, i kamp mot barbariet, og her er referat frå festar og handskrivne aviser, brev og songar, stemner og møte. "Det var ånd som reiste seg mot troll", for å sitere diktaren. Forhåndsomtale. Nyn. 1999.