Siri og lammet

Omtale

Dette er ei bok med spiralperm, tjukke ark og pålimte illustrasjonar som er til å kjenne på. Teksten er trykt med både blindeskrift og vanlege bokstavar. Punktskrifta finn ein på sider i halv storleik, slik at den som les høgt kan bla i dei medan dei som blir leste for, kjenner på illustrasjonane. Boka handlar om Siri, som må ta seg av eit kopplam etter at sauemor har døydd. Kvar tekstside startar med eit lite rim som tek opp handlinga i kortform. Forteljinga er enkel, og ber preg av å vere pedagogisk tilrettelagt. Fremst i boka står eit oversyn over blindealfabetet. Solum, 1998.