Nokre gutar kjem ikkje heim i kveld : dikt

Omtale

sist sommar gøymte vi øl i sekken sneik oss bort til brygga knuste sniglehus og skjell fiska etter krabbar med sniglar i snøre gutane lo og sprang brølande i sjøen er det nok lys der nede ein kjetting heng fast i berget rustar i det salte vatnet Kva skjer med ei jente når unge gutar rundt ho døyr? I dikta til Mona Vetrhus finst det ei lita bygd mellom sjø og bratte fjell, der ørn, hjort og viking ferdast i same natur som leikandeungar, og der gutarkøyrer i fjorden. Vennskap, gryande forelsking og død er viktige tema i boka. Lesaren møter ei jente som har tilbakevendande mareritt. Ho er på veg inn i si eiga verd, der gutane framleis går rundt nede på djupet, og redsla for at fleire skal forsvinna er ein del av kvardagen.