Harry Houdinis elefant

Omtale

16 år gamle Anders Hovden er med fotballaget sitt på Norway cup. Han sit klar på reservebenken då han får beskjeden han minst av alt vil høyre, den biologiske faren hans, ein diger premiekødd, som aldri har ønskt kontakt med sonen, har fått kreft. Faren har eit siste ønske, å få møte Anders før han døyr. Det blir ei veke som endrar innhald frå fotball til å handle om dei store tinga, om livet, døden og kjærleiken. Forteljinga er ei reise gjennom stemningar, frå det urtriste til dei stormglade, så mange og sprikjande og så tett samanvovne som kjensler berre kan vere når ein er ung. Roman for mellom-/ungdomstrinnet.