Fiskedampskip : havfiskebåtar på Sunnmøre etter 1907

Omtale

Boka følgjer historia til 41 fiskedampskip fram mot våre dagar. Dei fleste av desse vart bygde under første verdskrigen, då det var eventyrlege prisar på fiskeprodukt. Straks krigen var over, fall marknaden saman. Det vart bråstopp i bygginga av nye havfiskebåtar. Dampskip som hadde vore kjøpte til jobbetidsprisar få år før, hamna no på tvangsauksjonar og vart selde for ein slikk og ingenting. I desse vanskelege 20-åra vart mange av dei norske fiskedampskipa selde til utlandet, særleg til Island. Nokre år seinare betra tidene seg, og båtane vart ombygde og gjorde større. Etter andre verdskrigen vart dampmaskinene på dei aller fleste dampskipa skifta ut med motor. Først på 60-talet gjekk dei fleste av desse skipa ut av trafikk og blei erstatta av meir moderne havfiskefarty. Førehandsomtale. Ib., 2003.