Det spøker på Vesterøyene

Omtale

Martin er på sommarferie saman med mora i den nybygde hytta på Vesterøya. Før budde fleire familiar her, men no har alle flytta og berre gamle minne og kanskje spøkjelse er att. Martin vil finne ut kven som heldt til på loftet i huset på Ramnøya og får mange nervepirrande opplevingar. Det meste viser seg å ha naturlege forklaringar, men Martin og lesaren sit att med ei kjensle av at det overnaturlege òg er til stades. Den korte forteljinga er innimellom spennande samstundes som den formidlar stemningsfullt den spesielle atmosfæren som kviler over fråflytta kystsamfunn. Språket er ledigog lett, kapitla og illustrasjonane er mange, men ein del sider har nokså mykje tekst. Samlaget, 1998.