Husmorhistorier : norske husmødre om menn, barn og arbeid

Omtale

Husmora har sett ein standard for det norske familielivet. Ei sjølvoppofrande mor heime, felles måltid, heimelaga mat, bollebaking, laurdagskos og søndagstur er framleis sentrale ingrediensar i det norske familielivet. Samtidig står husmora for verdiar som mange unge kvinner tek avstand frå i dag. Denne boka tek lesaren med tilbake til 1950-talet, til kvinne- og familieideal som i dag verkar eksotiske. Ei rad kvinner som var husmødrer den gongen, fortel om kvardagen med menn og barn, heim og arbeid, sjølvrealisering og livsmeining. Var 1950-talet eit anna univers, eller er det slik at kvinner framleis er prega av husmorideala frå den tida? Boka er illustrert i svart/kvitt. Hilde Danielsen er etnolog og stipendiat ved UiB. Har kjelder og litteraturliste.