Ulvenatt i Berardenga

Omtale

Gjensynet med skilsmissebarna Jonas og Julie er spennande. Foreldra er fortsatt hektisk opptekne av å gjere karriere i vekebladet For Folk Flest, og denne gongen får ungdommane vere med på reportasjetur til Italia. Der skal foreldra dekke gebursdagsfeiringa til ein kreftsjuk kjendisson. Jonas og Julie vert inviterte saman med sju andre ungdommar, og det som ser ut tilberre å vera ein litt uforklarleg beskjed i ei bok, blir brått dødsens alvornår den eine etter den andre av gjestene berre forsvinn. Bok nummer to i serien skuffar ikkje, og den gryande forelskinga mellom Jonas og Julie er med på å gje spenninga ein ekstra dimensjon. Serien skal vere eit nynorsk alternativ innan spennings-/triviallitteratur-sjangeren for ungar mellom 9- 13 år. Boka spelar på sjangeren sine premissar med noko typeteikna og lett karikerte bipersonar, mens hovudpersonane er framstilt meir nyanserte. Rollemønstra er snudd litt på hovudet, ungane representerer fornuften, og humoren spelar på dette. Historia har ein klar intrige, der ungane står forsjølve oppklaringa. Handlinga har god framdrift. Historia er velskriven i eienkel moderne, nynorsk språkform.