Og låste med ein hengelås

Omtale

Torhild var på hytta med morfar for tre dagar sidan. Dei fiska og hadde det fint i lag, som så ofte før. Men så kjem brått den triste meldinga; morfar er ikkje meir. Marit Kaldhol fortel ei lågmælt, sår historie uten at det verkar sentimentalt. Ho nyttar ein slags fri prosa i stutte setninger. Dag Fyri sine enkle tusjtekningar av naturting og reiskap som har med fiske å gjere, treff same tone som teksta. Særleg når dei er teikna rett på det kvite arket utan at det er skuggelagd omkring. Det er ei lita bok med eit vesentleg innhald i ei enkel form, så både vaksne og barn kan kjenna seg att.