For aller siste første gong

Omtale

Inuittjenta Eva Padlyat bur i Nord-Canada. Kvar vinter går ho på havbotnen under isen i lag med mor si for å finne blåskjel. Boka fortel om den aller fyrste gongen ho skulle gå slik åleine. Tekst og bilete gjev roleg, nøktern informasjon om andre levekår enn våre. Eva gjer ei spanande ferd under isen,men det held på å gå gale, det er heilt på grensa til kva ho kan makte. Men ho må lite på seg sjølv, og finn attende til holet ho kraup ned gjennom. Bileta har ei klår, noko naivistisk form. Boka gjev oss ei fargesprakande skildring frå isheimen.