Selja

Omtale

SELJA Ingen kjem til Selja utan å undre seg. Og ingen reiser derifrå urørd. På den vesle øya like sør for Stad ligg eit makelaust ruinanlegg i eit makelaust landskap. Alt i år 996 vart Selja den første helgenstad i landet, knytt til St. Sunniva. Kring 1068 vart Selja eit av dei tre første bispesete i landet, saman med Oslo og Nidaros. Og kring år 1100 fekk Selja eit av dei første kloster i landet, vigd til St. Albanus. Klostertårnet står att i full høgde i ruinanlegget, som også omfattar dei store terrassane oppe i fjellsida framfor Sunnivahola. Denne vegvisaren fortel historia om Selja, om St. Sunniva, legenda og pilegrimsfarten og tek deg med på vandring i ruinanlegget. Rikt illustrert med foto, teikningar og kart.