Lars O. Bru og havet : roman

Omtale

Lars Olsen Bru står på dekket til rutebåten, på veg heim til øya Bru i Ryfylke. Der skal han lese gjennom livserindringane sine ein siste gong. Han veit jo ikkje kor lenge han får stå i livet. Lars har hatt eit innhaldsrikt liv, på havet og på landjorda. Han minnest oppvekst og manndom, sjukdom og død, arbeid og slit, men òg kjærleik, fellesskap og kva det no er som kanskje kan føre til eit godt liv. Men to kors ber han på: forholdet til Malena, dottera som har tatt seg av han heile livet, og historia med broren Børre, som han ein gong la for hat utan å ville det. Omtalen er utarbeidd av BS.