Jag är supermann : noveller

Omtale

Historiene i denne samlinga går føre seg i løpet av eit varmt døgn i Sunndalsøra i juli. Lagnader blir kryssa og påverkar kvarandre. Alle ungdommane har ulike prosjekt, men alle ber på eit intenst ønske om å bli sett og finne feste i verda. Noko som gjer det heile verdt det. Bjørn, Eskil og ei svensk jente dreg til elva for å bade. Syriske Aya har flykta gjennom heile Europa til Sunndalsøra. Andreas blir besøksvenn på aldersheimen berre for å imponere Marianne. Karl gruar seg for å halde tale i gravferda til veslebroren sin. Rebellen Tuva er tvangssend til dalen, for å komme unna dårleg miljø i Oslo. Og midt i alt dette finst det truleg ein rømling, i skjul, ein eller annan stad. Noveller for ungdomstrinnet. Omtalen er utarbeidd av BS.