Evolusjonære røvarhistorier

Omtale

I denne populærvitskaplege boka undrar evolusjonsbiolog Jarle Tryti Nordeide seg over kvifor evolusjonære forklaringar irriterer og provoserer i samfunnsdebatten. Manglande kunnskap om evolusjonsbiologi hindrar ofte ikkje kritikk framført med stor autoritet mot Darwin sin teori. Boka viser at teorien ikkje treng å vera skummel og kontroversiell, og kan bidra til at du ser på deg sjølv med eit anna blikk og forstår omverda på ein ny måte. Kanskje kan boka også utfordre verkelegheitsbildet ditt? Korleis har artar inkludert menneske blitt som me er, kvifor oppfører me oss som me gjer, og kva kan dette fortelje om deg og menneske generelt. Forfattaren har over 30 år erfaring som forelesar i evolusjonsbiologi og fortel entusiastisk og kunnskapsrikt korleis vår biologiske fortid har forma oss. Kvifor er påfuglhannen pynta med lange og fjollete stjertfjør når dette gjer han til eit lett bytte for rovdyr? Kvifor er kroppen til kvinner og gitarar forma som dei er? Og kvifor burde me flykte i panikk ved synet av kondoma? Du vert invitert inn i auditoriet og får ta del i reaksjonar frå studentar, og diskusjonar med kollegar frå ikkje-naturvitskaplege fakultet som kan kontrollere sin entusiasme for evolusjonære røvarhistorier