Fem dagar, fire netter

Omtale

Stein har fødselsdag og blir 14 år. Foreldra er på reise, og han planlegg eilitt spesiell markering av dagen. Til å hjelpe seg får han kompisen Siv- Merethe, og da tek planane ei ny vending. Stein ønskjer seg tre ting, å komeseg vekk, stikke av rett og slett, å vise motet sitt og å få eit naturleg forhold til jentekroppen.... Det siste er Siv-Merethe villig til å hjelpe han med, og Stein oppdagar nye sider ved livet. Dette er ei forteljing om det å bli vaksen og finne seg sjølv, om nærheit, kropp og forelsking. Siv- Merethe er sjølvsikker og meir erfaren enn Stein, men han er lærenæm og tek raskt etter. Det er portrett av to resurssterke ungdomar som er teikna. På tross av dei vidløftige handlingane dei planlegg og dels gjennomfører, taklar dei problema sine fornuftig, og det blir kanskje ikkje heilt truverdig at dei berre er 14 år. Historia er fortalt med ein humoristisk, ironisk undertone. Samlaget, 1998. 91 s. (Annoteringen er utarbeidet av Statens bibliotektilsyns rådgivende utvalg for barne- og ungdomslitteratur).