Mennesket og havet : Feøy, Røvær, Utsira, Vibrandsøy

Omtale

I løpet av 2023 har den italiensk/danske fotokunstnaren Luca Berti dokumentert menneske og landskap på dei fire øyane vest i havet; Feøy, Røvær, Vibrandsøy og Utsira. Resultatet er ei praktbok med fotografi av Luca Berti i svart-kvitt, og i tillegg ein litterær tekst av den premierte lokale forfattaren Odd Eirik Sætre Færevåg. Boka vert utgjeven i samband med fotokunstutstillingar i år, i Haugesund billedgalleri og på Mikal Klovning sitt sjøhus på Utsira. Utstillinga i Haugesund billedgalleri opnar fredag 24. mai og vert ståande ut året. Utstillinga på Utsira vert opna laurdag 25. mai og kan sjåast sommaren 2024. Fotografen Luca Berti (1978-) er opphaveleg frå Firenze i Italia, i dag busett i København. Han har utdanninga si frå Instituto Italiano di Fotografia, Milano (2000-2002) og har tidlegare hatt utstillingar ved bla. Norsk Folkemuseum, Romsdalsmuseet, Gudbrandsdalsmusea mfl.. Kunstnaren samarbeider med mange etnografiske museum i heile Norden.