Tause steinar : levande historier : møt steinar i Valdres-landskapet

Omtale

Mange steinar har spelt ei rolle i kvardagslivet til folk, men historiene om uvanlege steinar er i ferd med å gå i gløymeboka. Med Tause steinar – levande historier har Kirsten Inga Kamrud omtala 183 steinar i Valdres og deira historie. Nokre har berre vore ein kvilestein, medan andre har vore lyftesteinar, kastesteinar for ein jutul, huldrekyrkjer, fødesteinar, dansesteinar eller vitne til tragiske dødsfall. Steinane er registrerte med koordinatar, slik at det er lett å finne dei att på norgeskart.no og med GPS når du er ute i terrenget. I registeret finn du alle steinane kommunevis. Her kan du finne eit turmål for heile familien, i nærområdet eller lenger unna. Kirsten Inga Kamrud (f. 1955) er frå Ulnes og har arbeidd som lærar og rektor. Ho har vore skribent i avisa Valdres i ca. 50 år og har hatt tekstar på trykk i ulike aviser og tidsskrift.