Skåla : fjellet og folket

Omtale

Boka fortel historia om Skåla og Skålatårnet. Då distriktslege Hans Henrik Gerhard Klouman i 1890 fekk den galne ideen om å byggje ei hytte på toppen av det 1848 meter høge fjellet Skåla i Loen i indre Nordfjord, kunne han knapt ane kva han sette i gang. Huset vart bygd, og med rette ofte kalla "Kloumanstårnet", for utan Kloumans entusiasme og pågangsmot hadde hytta aldri blitt bygd. I 120 år har Skåla og Skålatårnet vore eit eineståande turmål, og alle som har streva seg opp Nord-Europas lengste motbakke får med seg minne for livet. I våre dagar er det over 10 000 personar kvart år som når toppen.