Bilen og folket i Hareid og Ulstein 1916-1961

Omtale

Den lokalhistoriske boka "Bilen og folket i Hareid og Ulstein 1916-1961" baserer seg på eit storstilt innsamlingsmateriale av gamle foto som syner bil og transport i vidaste forstand. Dette er eit samferdslehistorisk bokprosjekt som har interesse langt ut over Hareid og Ulstein. Alle bilda er identifiserte, omtala med data og tilknytte historier. Arbeidet er svært omfattande gjennom hundrevis av heimebesøk for innsamling av bilde og intervju. Det er slett ikkje berre bilinteresserte som er målgruppa. Her finn ein bilde frå ferjedrift frå den spede starten, bussar, lastebilar, drosjer, privatbilar, motorsyklar, bilar som er ombygde til traktorar m.m. Alle veteranbilentusiastar over heile landet og alle med lokalhistorisk interesse bør skaffe seg denne boka.