Bruk av tvang mot psykisk utviklingshemma : under yting av kommunal sosial- og helsetenester

Omtale

Forfattaren drøftar dei rettslege grensene for bruk av tvang mot psykisk utviklingshemma under yting av kommunale sosial- og helsetenester. Både gjeldande norsk rett - inklusive sosialtenestelova kapittel 6A - og forholdet til sentrale bestemmingar i Den europeiske menneskerettskonvensjonen (EMK) er handsama. Boka rettar seg særleg mot juristar og andre med interesse for prinsipielle problemstillingar som er knytte til bruk av tvang mot psykisk utviklingshemma. Samstundes er framstillinga på viktige punkt så djuptpløyande at ho er nyttig også for advokatar, dommarar og tilsette i offentleg forvaltning og organisasjonar som arbeider med sentrale praktiske problemstillingar. Viktige drøftingar i boka har klar interesse for parallelle problemstillingar på tilgrensande retts- og fagfelt, som tvang mot psykisk utviklingshemma i skuleverket og tvang mot aldersdemente. Om forfattaren: Bjørn Henning Østenstad er cand.jur. og er i dag tilsett som rådgjevar hjå Fylkesmannen i Hordaland. Han har tidlegare vore stipendiat ved Det juridiske fakultet, Universitetet i Bergen, og forskar i eit prosjekt om tvang mot psykisk utviklingshemma i regi av Norges Forskningsråd.