Musikklytting i klasserommet

Omtale

Musikklytting i klasserommet er ein læringsressurs for grunnskolen og lærarstudentar som m.a. inneheld pedagogiske opplegg for over 170 musikkstykke. Boka er ei tvillingbok til Musikklytting som pedagogisk praksis (Espeland, 2026). Når desse bøkene er omtalt som ‘tvillingar’, er det fordi dei på sett og vis handlar om det same, – og dei ser ganske like ut utanpå. Men inni er bøkene svært ulike. Boka Musikklytting som pedagogisk praksis er i hovudsak ei bok med vekt på ulike former for teori og drøftingar knytt til musikklytting, - og, ikkje minst, drøfting av den rettleiande innhaldslista f rå Utdanningsdirektoratet knytt opp mot musikkfaget i LK2020. Musikklytting i klasserommet derimot har i hovudsak vekt på metodikk og lærarrettleiingar. Del I i boka startar med innleiande tekstar om tilhøvet mellom praksis og teori i musikklytting, bruk av strøymetenester for musikk i undervisning og om elevvurdering knytt til musikklytting. Så følgjer lærarrettleiingar knytt til metodikk og opplegg for musikkeksempel der dei aller fleste er henta frå Utdannningsdirektoratet sine innhaldslister. Del II i boka er ei revidert utgåve av boka Lyttemetodikk. Ressursbok som sist vart utgitt i 2004. CD-ane som høyrde til denne boka erikkje lenger tilgjengelege, men nittini prosent av musikkdøma er nå tilgjengelege via strøymetenester og er svært relevante som undervisningstoff etter LK20.