Der ingen finn oss

Omtale

Guten det handlar om er alvorleg sjuk, og han er heime med mora kvar dag. Han kjedar seg, saknar vener, men han har lært seg eit knep. I fantasien reiser han av garde, han skapar vener, der han sjølv bestemmer. Så møter han jenta mellom blokkene. Ho går heller ikkje på skulen. Ho trivst ikkje der, dei andre er ikkje greie mot henne. Guten tar henne med inn i fantasien, inn i eventyr dei skapar sjølv. Dei finn eit røvarslott, dei blir fanga i underverda, dei rømmer frå pesten. Men dei klarar seg. Brått har guten ein å reise saman med, og dei vil heller vere i fantasien enn i den verkelege verda. Der er dei sterke, der kan dei gjere som dei vil. Historia følgjer dei to på reisene, spenninga og frykta, og gleda når alt går bra. Samstundes følgjer den guten og sjukdomen hans. Forteljing for mellomtrinnet. Omtalen er utarbeidd av BS.