I dagdraumane finst du alltid

Omtale

I dagdraumane er du alltid nær. Du er røysta i veggen, pusten i trappa, handa som møter handa. Gard Sandvig skriv om kjærleik og sakn, om naturen som vitne og om det vesle som berr det store — ein sommarfugl på ein benk, eit plommetre planta for seint, eit isfjell som ikkje er der. Dikta rører seg mellom bokmål og nynorsk, mellom kysten og barndommen, mellom det alvorlege og det lette. Her er humor og vemod side om side, og alltid ei open dør. I dagdraumane finst du alltid er den andre diktsamlinga til Gard Sandvig. Gard Sandvig (f. 1956) er fødd og oppvaksen i Oslo, der han har arbeidd som journalist og redaktør. Han byrja å skriva dikt som 18-åring, og har gjennom åra utvikla forfattarskapen sin på både bokmål og nynorsk. Dei siste femten åra har Sandvig budd på Moltustranda og Nerlandsøy, ved havet, i Herøy kommune i Møre og Romsdal, der han hentar inspirasjon frå naturen langs kysten.