Det lettar snart

Omtale

Dikta i Det lettar snart utforskar relasjonar og plukkar opp kjensler, stemningar og fargar i mellommenneskelege forhold, i natur og landskap, og set desse opp mot kvarandre og sidan av kvarandre. «Ho kan kunsten å romma livet og setja ord på det som kan vera vanskeleg å setja ord på». Det er den raude tråden i det som vert sagt om dikta til Solveig Johanne Grønstøl. Poesien hennar har dei seinare åra funne veg til fleire utgjevingar, både antologiar og fagbøker, og vert brukt i gravferder, vigslar, i behandling og rehabilitering av slagpasientar for å nemna noko. Ho har også skrive poesi for scenekunst i samarbeid med internasjonalt anerkjende aktørar. Det lettar snart er Solveig si tredje bok, og er nydeleg illustrert med hennar eigne foto.