Ein halvtimes stille i himmelen : roman

Omtale

Ein ung gut lengtar etter kjærleiken. Han dagdrøymer om jenta som har flytta inn i huset rett over vegen, ser henne for seg i ulike situasjonar og tenkjer på korleis han skal gå fram for å få kontakt. I guten si indre verd rår ønskje og draumar grunnen. Men det er lang veg frå tanke til handling. Den unge guten rekk å byggje opp eit nokså perfekt bilete av jenta før han endeleg tar mot til seg og treffer henne. Boka er delt inn i tre delar som viser tida frå sommar til haust. Hendingar som høyrer til utanfor guten si fantasiverd vert skildra i korte glimt, medan hovudvekta i framstillinga er lagt til tankar og fabuleringar. Teksten har god driv. Den er både sanseleg og abstrakt på ei og same tid og inneheld ein humoristisk glød som kjem til sin rett gjennom dei mange og gode språklege bileta. Samlaget, 2000. 103 s. (Annoteringen er utarbeidet av Statens bibliotektilsyns rådgivende utvalg for barne- og ungdomslitteratur).