Elektriskgjerdet og ti andre historier

Omtale

Med humor og med nærleik til barnet si oppleving av verda, skildrar forfattaren ein (oppdikta) oppvekst på ein nordnorsk fiskarbondegard på 1940-talet. Han Arnulf og eg er gjennomgangsfigurar i dei elleve historiene i Elektriskgjerdet. Historiene er skrivne på senjamål. Helge Stangnes (1936) debuterte som diktar med samlinga Lys langs en fjord i 1992, og har seinare gitt ut mellom anna Landet og lyset i 1996, Frø i vind i 2003 og Vintersang i 2011. Visene og dikta hans er blitt svært populære. Forfattaren er fødd på Senja, men har budd i Tromsø frå 1960. Han har arbeidd som lærar i grunnskolen, og har forska på endringar i senjamålet og undervist i m.a. talemål og stadnamn ved Universitetet i Tromsø.