Den store stilige Dustefjert-boka : ei samlebok om livet i det vesle landet ved bekken

Omtale

I denne boka er samla dei fem første forteljingane om Dustefjerten og naboane hans. Når sommaren kjem til det vesle landet ved bekken, kan det henda at forfattaren skriv fleire. Det vesle landet ved bekken er ein plass for små hendingar og store tankar - der bekken er det fortaste som finst, og der kvardagen blir ein fest når det skjer noko. Til vanleg kastar Dustefjerten ploppesteinar i bekken og snakkar med andungen. Holesnusken høgg ved. Bollefisen er våt på beina. Kavringsreven bakar kavringar. Oktava syng sine songer og drøymer kan hende om ein kjærast. Langt inni skogen ligg berghøna og varmer ein stein.