Regional økonomi og politikk

Omtale

Gjennom vesteuropeisk integrasjon og fri handel er grensene mellom nasjonalstatane vorte opnare dei siste åre. Nasjonane har vorte meir integrerte og derfor meir like enn tidlegare. Dette har vore med på å fremjeei ny og sterkare interesse for regionar. Tilhøvet mellom by og land, sentrum og utkant har kome meir i fokus, og ein er meir oppteken av regionale ubalanseproblem. Korleis kan ein forstå flukta frå landsbygda og framveksten av byar og sentrale regionar? Korleis kan ein påverke denne utviklinga politisk? Forfattaren presenterer dei sentrale teoriane og modellane som har vore brukte til å forklare tilhøvet mellom regionar. Den regionale politikken, spesielt distriktspolitikken, får brei dekning både historisk og teoretisk. Boka er skriven for dei som studerer og underviser på høgskuler og universitet. Med notar, litteraturl. og saksregister. Nyn.