Austrheim i fortid og notid. Bind 4. Allmenn bygdesoge 1800-2000

Omtale

"Austrheim i fortid og notid" er eit bokverk i fire bind om Austrheim si historie. Dei tre første binda er gards- og slektssoge for kommunen. Bind 4 har undertittelen "Allmenn bygdesoge 1800-2000".Boka tek utgangspunkt i tilhøva i Austrheim rundt år 1800. Då var det eit øy- og kystsamfunn der sjøen spelte ei viktig rolle, ved sida av det gardsbruka kunne gje. Det er eit heilt anna samfunn me møter 200 år seinare. Bruer og vegar er bygde, og det har komme varierte arbeidsplassar og service- og kulturtilbod. Overgongen frå det gamle fiske- og jordbrukssamfunnet til eit moderne industri- og tenestesamfunn har gått stegvis, og boka prøver å skildra denne prosessen. Folketalsutvikling, sosiale tilhøve, utvandring, eigedomstilhøve, gardsskipnad, næringsutvikling, inntektstilhøve, rettspleie, samferdsel, kyrkje, skule, kultur, krigsår og kommunalsoge er emne som boka inneheld. Det er 77 tabellar, figurar og vedlegg i boka, og ho er forsynt med noteapparat, kart og register. Boka inneheld 567 bilete, som gjev eit variert inntrykk av livet i Austrheim.