Uglesong

Omtale

Denne romanen handlar om Bremen i år 2043. Verda slik vi kjenner ho har veke plassen for det terapeutiske samfunn, der teknikken er teke i bruk for å hjelpe innbyggjarane med alt dei treng. Automatiserte lærarar, rådgjevarar og sexterapeutar registrerer tankane folk går med og føreslår eigna behandling. Her bur den 17-årige skuleguten Armin, og han har personlege problem som ikkje den computerrådgjevaren hans kan hjelpe han med. Han leiter etter eit livssyn og han kjenner seg i slekt med dei som levde i førre hundreåret, dei som levde saman og verkeleg tydde noko for kvarandre. Kvar går eg eigentleg - og kvifor? spør han seg sjølv. Armin er aleine med tankane sine, heilt til han blir kjent med Rebekka. Så kjem naturkatastrofen i form av ein flaum, som rammar heile byen og gjev dei to unge menneska ei svært konkret utfordring som krev noko anna av dei enn det dei har lært av maskinane og menneska i samtida. Forteljinga er lagt i munnen på Armin, som i relativt sakte forteljartempo vekslar mellom analyse av handlingen, sceneanvisninger, stikkordslister, dialogar og ein slags samstundes tankestraumreferat. Forfattaren er ute etter størst mogleg realisme i skildringa, og poenga hadde sikkert kome like godt fram om handlinga var lagt til vår eiga tid. Nyn. Samlaget, 1999. 172 s.