Sjå, Ingebjørg - før i tida! : tekst og postkort i aspik

Omtale

Dette er boka om dei nære åra vi kallar før i tida, tida då alt var svært lett og vanskeleg på same tid. Her kan du lese om ferieturen som endar i asfalten utanfor Saga hotell i Haugesund, om slitne postkortfotografar og gamle menn som ser tilbake. Her er den bortgøymde, men ikkje gløymde historia til Per Ivar Langeland, Sitje-grupper og seminar. Her er soger om takpapp og weasel og sonette til ei kvinne i Kinsarvik og mykje meir. I tillegg bidreg forfattaren Frank Ove Gryting med novella Nedsnødd i regn og diktaren Samson Sæbø med diktet Attmed Esso. Her er tekstar illustrert med postkort, og postkort illustrert med tekstar. Likt og ulikt, ferskt og uferskt, frå kjøleskap og skrivebordskuff, er sementert i god aspik til ein kjenslefull kabaret. Boka er på 160 sider og illustrert med om lag 120 postkort frå tida 1960 til 1980. Erlend Huus er født 1967 i Odda, bur no i Bergen. Gjekk ut frå Odda ungdomsskole i 1983 med svært bra i åtferd. Har arbeidd og slappa av innan ulik industri. Spelar trommer i 4. divisjon. Held no på med bok om rock i Odda.