Norsk dialektutvikling gjennom to hundreår : på gjenvisitt i Prøver af Landsmaalet i Norge

Omtale

Det finst sterke meiningar om dialektendringane i landet vårt. Synsmåtane har nok ofte grunnlag i subjektive observasjonar. I denne boka er det prøvd å gå systematisk til verks for å sjå kva som skjer, og kor mykje som skjer i 20 norske dialektar frå først på 1800-talet til først på 2000-talet. Utgangspunktet er dialektbeskrivingane i Prøver af Landsmaalet i Norge (1853) av Ivar Aasen og grammatikknotata frå dialektreisene hans. På same stadane Aasen var, er det til denne boka gjort opptak av samtalar med ungdommar, og dialekten deira blir samanlikna systematisk med 1800-talsmaterialet. Før gjennomgangen av dei 20 dialektane blir Aasen sett inn i forskingshistoria, og forutsetningane for arbeidet hans blir diskutert. Dessutan blir arbeidsmåten i dette bokprosjektet drøfta. Sistedelen av boka summerer opp utviklinga i dei 20 dialektane, og der blir omfanget av endringane analysert. Resultata kan overraske.