Forteljingas pedagogikk : folkedikting før og no : eit læreverk utvikla ved Vox

Omtale

Korleis forstår vi verda? Korleis kjem forståinga vår til uttrykk gjennom forteljingar, populærlitteratur og folkedikting? Kva har gammal og ny folkedikting felles? Boka gir ei innføring i oppleving og forteljing som pedagogisk metode. Om pedagogen bruker forteljinga bevisst, vil innlæringa av fagstoff bli lettare og meir morosam. Tradisjonell folkedikting kan vere vanskeleg tilgjengeleg i språk og innhald. Forfattarane viser korleis all folkedikting er skapt og stadig blir skapt i urgamle mønster. Boka gir såleis omgrep til å forstå dei arketypiske grunnforteljingane i populære filmar som Harry Potter, Ringenes Herre og Star Wars, i teikneseriar, dataspel og liknande. Ei bru blir bygd frå tradisjonelle segner, mytar, eventyr, folkeviser og balladar til ufo-historier, vitsar og gåter. Vi er prega av den kulturen vi veks opp med, og røtene til samtidskulturen går langt tilbake. Boka er utvikla i samarbeid med VOX og har eigen nettstad: www.gyldendal.no/forteljing