Maid dadjet? 2 : bargobihtát nuppigiela ságastallamiid várás

Omtale

Dát girji lea Maid dadjet? oahppogirjeráiddu nubbi girji. Ráidui gullet oktiibuot golbma girjji. Girjjit leat oaivvilduvvon doarjjan nuppigiela oahpahusas, ja oahppit besset stohkosiid, spealuid, lávlagiid ja eará doaimmaid bokte ságastallat sámegillii sihke gaskaneaset ja oahpaheaddjiin. Girjjit leat jurddašuvvon olles vuođđoskuvlii ja sihke gáiddusoahpahussii ja lagašoahpahussii. Bargobihtát heivejit buoremusat fágii sámegiella 3, muhto dat sáhttet leat ávkkálaččat maiddái eará sámegiela fágain. Čálli lea iežas oahpahusas vásihan ahte oahppit geat liikojit stoahkat ja speallat, mielas servet girjjiid doaimmaide beroškeahttá agisteaset. Girjji vuosttaš oassi lea čállojuvvon oahpaheaddjiid várás. Dás čilgejuvvo oanehaččat manin ságastallan lea beaktilis vuohki oahppat nuppigiela, ja mo oahpaheaddji sáhttá geavahit girjji. Árvidanstoagus krokodiilatráhppa geavahuvvo dás ovdamearkan. Maid dadjet?-girjeráiddu didaktihkka čilgejuvvo vuđolabbot ovttešgirjjis. Čálli ovdanbuktá dás oahpahanmodealla sámástangoahti ja čatná dan doahpagiid ságastallandoibmii stállosárgun. Nu boahtá ovdan mo oahpaheaddji sáhttá lágidit oahppoaktiviteahtaid nu ahte oahppiid dáhttu ja vejolašvuohta oassálastit sámegiel ságastallamiidda lassánit. Ellen Ravna/ Uvllá Elle lea oahpaheaddji Sámi joatkkaskuvllas Kárášjogas. Son lea guhká oahpahan sámegiela sihke gáiddusoahpahusas ja lagašoahpahusas, ja son gárvvistii masterdutkamuša nuppigiela didaktihkas Sámi allaskuvllas jagi 2019. Maid dadjet?-girjjit leat čállojuvvon masterbarggu fuomášumiid vuođul. _________________________________________________________________________________________________________________ Denne boka er den andre utgivelsen i lærebokserien Maid dadjet?. Serien består av totalt tre bøker og er utviklet som støtte i andrespråksopplæringen. Gjennom lek, spill, sanger og andre aktiviteter får elevene øve på å snakke samisk både med hverandre og med læreren. Bøkene er beregnet for hele grunnskolen og kan brukes både i fjernundervisning og i klasseromsundervisning. Opplegget er særlig godt egnet for faget samisk 3, men kan også være nyttig i andre samiske fag. Forfatteren har erfart i egen undervisning at elever som liker lek og spill, deltar med stor motivasjon i aktivitetene, uavhengig av alder. Den første delen av boka er skrevet for lærere. Her forklares det kort hvorfor samtale er en effektiv metode i andrespråkslæring, og hvordan boka kan tas i bruk i undervisningen. Gjetteleken «krokodiilatráhppa» brukes som eksempel. Lærebokserien Maid dadjet? vil bli nærmere presentert i den første boka. Her introduserer forfatteren opplæringsmodellen «sámástangoahti» og knytter den til sentrale begreper innen samtalehandling, blant annet ved bruk av stállosárgun. Det vises hvordan læreren kan legge til rette for å styrke elevenes vilje og mulighet til å delta i samiske samtaler. Ellen Ravna / Uvlla Elle er lærer ved Samisk videregående skole i Karasjok. Hun har lang erfaring med undervisning i samisk språk, både i klasserom og gjennom fjernundervisning, og fullførte i 2019 en mastergrad i andrespråksdidaktikk ved Samisk høgskole. Maid dadjet?-bøkene bygger på erfaringer og observasjoner fra dette arbeidet.