John Savio : hásttuheaddjin

Omtale

Sámi dáiddár John Savio (1902–1938) lea guhká gehččojuvvon eanádatkultuvrra čalbmelásaid čađa, ja nu son leage duvdašuvvan dáidaga historjjá ravdii. John Savio: Hásttuheaddjin čájáhusa bokte dárkojuvvo su dáiddalaš geavat vuosttas geardde geahčastagain mii vuođđuduvvá vásedin sámi diehto- ja máhttovugiide ja eallinmáilmmiide. Dainna lágiin albmana su dáiddalaš geavat su iežas eavttuid vuođul: Ealljun mii ii dušše joatkke, muhto mii maiddái ođasmahttá modernismma, ja mii vuollegaččat, muhto dattege vuđolaččat moaitá kolonialisttalaš struktuvrraid mat hábmejedje sámi eallimiid sihke su áiggis ja su maŋŋá. Dál go eamiálbmotdáiddárat miehtá máilmmi hástalit sajáiduvvan ovddasteami ja dieđu ja máhtu govahallamiid, skádjá Savio jietna earenoamáš skáigilit, nugo dán girjji čállosat čájehit. Daid leat čállán čájáhusa kuráhtor Liisa-Rávná Finbog (Rámavuol Liisa-Rávdná), ja Harald Gaski, Elin Magga, Liv Astrid Kvammen Svaleng, Wanda Nanibush, Kathrine Nedrejord ja Sigbjørn Skåden, ja daid lassin lea vel čálus mas govvadáiddár Outi Pieski gažaduvvo. Oppalohkái čájehit dán girjji teavsttat ja ráhpadit govviduvvon materiála manne Savio lea nu eleš ođđa, eanet máŋggarattat dáiddahistorjjás mii lea hápmašuvvamin.