Liv på vidvanke : bioinvasjonar i ei grenselaus verd

Omtale

Så lenge det har vore liv på Tellus, har livet hatt grenser rundt seg. Hav og vatn, dalar og fjell, kalde og varme, tørre og fuktige område har delt planeten i økosamfunn. Chris Bright, forskar ved Worldwatch, viser i denne boka korleis monokulturar, flytting av organismar, handel og reiser riv vekk grensene mellom økosystem og ristar jorda meir og meir saman til eit einaste økosystem, med dei same plantene, dei same dyra og dei same mikrobane. Nokre døme: Asiatisk tigermygg spreier seg i varmare land verda over, med bildekk som reisemåte, og fører med seg m.a. gulfeber. Ei manet reiste i ballastvatn i båtar frå USA til Stillehavet, der ho har gjort at heile økosystemet har brote saman. Oppdrettslaks rømmer og overtek leveområda til villaksen og spreier sjukdommar. Forfattaren viser at bioinvasjonar er ei like dramatisk miljøendring som global oppvarming og artstap, og han legg fram tiltak for å kome ut av uføret. Med noter og stikkordreg.