Western Desert : noveller

Omtale

Eit par er på reise i Afrika, men utset heimturen: Dei har ikkje lenger nokon å komme heim til. Ein mann sørgjer over tapet av kona, og vil berre forsvinne, men han har ei dotter å ta seg av. Ein forfattar døyr, og snart skal alle i miljøet vise kor godt dei kjende han. Nokre av dei vi møter i Western Desert opplever at livet tek ei brå vending, mens andre kjenner at dei er fanga i same spor som alltid. Uansett er livet berre til å halde ut, og kvar av dei må finne sin eigen meistringsstrategi. Rønnaug Kleiva (f. 1951) har skrive bøker i dei fleste sjangrar for både vaksne og barn. Bøkene hennar har motteke Fleire prisar og er omsette til ei rekkje språk. Tekstane utmerkjer seg med eit skarpt blikk og ein kompromisslaus stil, med mørk humor og underhaldande refleksjonar.